Për nder të dëshmorëve dhe martirëve të Çabratit, Kryetari i Komunës, Ardian Gjini me bashkëpunëtorë dhe veteranë të UCK-së në Gjakovë, kanë bërë homazhe pranë varrezave të dëshmorëve dhe martirëve si dhe në Kompleksin Memorial në Çabrat.
“Sot, ndjejmë dhimbje për jetët e humbura dhe për faktin që ende kemi të pagjetur, por edhe një krenari të jashtëzakonshme. Dua të ju uroj këtë ditë të gjithë banorëve të Gjakovës por edhe të shpreh indinjatën e thellë që ende nuk dimë për fatin e të zhdukurve” është shprehur Kryetari Gjini.
Ai ka thënë se për shkak të pandemisë, jemi kufizuar në shënimin e kësaj dite të madhe për Gjakovën.
