Përmes Programit të UNICEF-it në Kosovë, në komunën e Gjakovës janë realizuar projekte fantastike, me fokus të veçantë në shëndetësi, arsim, rini si dhe në përmirësimin e mirëqenies për komunitetet jo-shumicë.
Gjatë takimit me Specialistin e Politikave Sociale në Zyrën e UNICEF-it në Kosovë, Dren Rexha, kryetari i Komunës, Ardian Gjini, shprehu mirënjohjen e tij për bashkëpunimin e deritanishëm i cili ka ndikuar dukshëm në mënyrë pozitive në jetën e banorëve të komunës sonë.
“Jam shumë i lumtur që kjo frymë bashkëpunimi mes nesh për të sjellë projekte me vlerë për banorët e komunës tonë, do të vazhdojë edhe më tutje” u shpreh ndër të tjera Kryetari Gjini.
