Kryetari i Komunës së Gjakovës, Ardian Gjini, ka pritur në takim përfaqësues të programit Demos nga organizata zvicerane Helvetas.
Ai është informuar për nisjen e procesit të auditimit të pjesës së parë të projektit të rrugës “Bujar Roka” nga kjo organizatë.
Kryetari Gjini është shprehur i gatshëm për bashkëpunim, duke thënë se nga ana e komunës do të kenë të gjitha informatat që ju nevojiten për realizimin e këtij procesi.
Ndërkohë, është biseduar edhe për mundësinë që Komuna e Gjakovës të përfitojë projekte të tjera nga programi Demos.
