Kryetari i komunës së Gjakovës Ardian Gjini, ka pritur sot nënkryetaren e bashkisë së Tiranës Anuela Ristani dhe ambasadorin e republikës së Shqipërisë në Kosovë Qemajl Minxhozi. Në takim me mysafirët nga Shqipëria, është diskutuar për mundësitë e bashkëpunimit dhe realizimit të shumë projekteve të përbashkëta përfshirë të gjitha sferat ku komuna e Gjakovës, bashkia e Tiranës, por edhe qytetet tjera shqiptare mund të gjejnë pika të përbashkëta.
Pas takimit, të shoqëruar nga kryetari Gjini, mysafirët nga Tirana, kanë vizituar disa prej pikave atraktive të komunës së Gjakovës, por edhe projektet investive, të cilat tashmë janë bërë një pikë rajonale referimi si shembull i qeverisjes së mirë në shërbim të qytetarëve dhe zhvillimit të gjithmbarshëm.
