Kryetari i Komunës Ardian Gjini, ka pritur në takim Shefen e Misionit të Kombeve të Bashkuara në Kosovë – UNMIK, Përfaqësuesen Speciale të Sekretarit të Pergjithshëm të Kombeve të Bashkuara – PSSP, znj. Caroline Ziadeh.
Bashkë, ata biseduan për të arriturat e mëdha që kanë ndodhur por edhe sfidat me të cilat ballafaqohet Kosova por edhe Gjakova. “Evokuam bashkërisht kujtime për kohën kur Kosova ka kaluar një periudhë të gjatë nën administrimin ndërkombëtar, për benefitet dhe sfidat të cilat kanë ekzistuar në atë kohë. Misioni i UNMIK-ut sot në Kosovë është krejt ndryshe prej atij që ka qenë dikur. Prandaj i urova sukses në punë ambasadores Ziadeh me shpresën që shumë shpejtë Kosova do të jetë anëtare e Kombeve të Bashkuara dhe kontribuese në misionet e kësaj organizate” deklaroi Kryetari Gjini lidhur me këtë takim.
