Kryetari i Komunës Ardian Gjini, ka pritur në takim Shefen e Zyrës së UNICEF-it në Kosovë, Nona Zicherman dhe Shefin e Zyrës së USAID-it në Kosovë Chad Berkowitz.
Ata diskutuan për bashkëpunimin e vazhdueshëm në shumë projekte, e në veçanti për Programin e UNICEF-it 2021-2025 i cili në fokus ka mbrojtjen e të drejtave të fëmijëve në fushën e edukimit, shëndetit dhe mbrojtjes sociale. “Gjakova është në mesin e komunave me prioritet të lartë në këtë program dhe në shumë projekte të tjera të mbështetura nga UNICEF dhe USAID dhe unë jam mirënjohës ndaj tyre për këtë përkrahje”u shpreh ndër të tjera Kryetari Gjini.
