Kryetari i komunës së Gjakovës Ardian Gjini ka pritur sot përfaqësuesit e organizatës “Roma In Action”, Emrah Cermiani me bashkëpunëtorë.
Ky takim është realizuar në kuadër të aktiviteteve për shënimin e ditës ndërkombëtare të Romëve.
Me këtë rast, duke i uruar qytetarët e këtij komuniteti për ditën e tyre, kryetari Gjini ka shprehur vullnetin e tij dhe të qeverisë komunale që të jenë afër këtij komuniteti duke u siguruar atyre një jetë të dinjitetshme e të barabartë me të gjitha komunitetet që jetojnë në komunën e Gjakovës.
