Kryetari i komunës së Gjakovës Ardian Gjini e ka pritur boksierin Taulant Jakupi, nga Klubi i Boksit “Sport Center”, i cili ditë më parë është zgjedhur si sportisti i vitit 2022 në komunën e Gjakovës.
Kryetari Gjini e ka përgëzuar sportistin e dalluar, por edhe stafin e tij të trajnerëve, për punën dhe sukseset e arritura gjatë vitit të kaluar, ndërsa e ka motivuar atë që të vazhdojë me ritëm edhe më të shtuar në mënyrë që sukseset të jenë edhe më të mëdha në të ardhmen.
Ndryshe, boksieri Jakupi pos tjerash, dy herë me radhë është shpallur kampion i Kosovës ndërsa ka fituar edhe në disa turne tejet të rëndësishëm ndërkombëtar.
