Kryetari i komunës së Gjakovës Ardian Gjini, ka pritur sot ministrin e Arsimit të republikës së Kosovës Ramë Likaj, me të cilin ka bashkëbiseduar për tema të ndryshme sa i përket situatës së arsimit në komunën e Gjakovës dhe investimeve të nevojshme që ky sektor pret nga ministria e arsimit.
Gjatë takimit, ministri Likaj ka bërë të ditur se tashmë ministria e Arsimit është në pregatitjet e fundit për nisjen e ndërtimit të Kampusit Universitar, ndërsa po ashtu ka folur edhe për investime tjera, qoftë në ndërtimin e godinave shkollore, bije fjala, në fshatrat Ponoshec e Demjan, qoftë për investime në riparimin e godinave egzistuese e deri tek mbështetja konkrete për mësimdhënësit, përmes trajnimeve të ndryshme.
Nga ana tjetër, kryetari Gjini ka thënë se vizita e ministrit Likaj e sidomos lajmet për përkahje maksimale të arsimit në Gjakovë, janë një lajm i mirë për këtë komunë, me theks të veçantë tek investimet për ndërtimin e Kampusit Universitar, si një projekt i shumë pritur në komunën e Gjakovës për vite me rradhë.
