Me rastin e shënimit të 1 Qershorit, ditës ndërkombëtare të fëmijëve, kryetari i komunës së Gjakovës ka pritur sot një grup të nxënësve, të cilët edhe i ka uruar për këtë ditë të shënuar për ta.
Pasi i ka njoftuar ata me ambientet brenda objektit të komunës, kryetari Gjini ka zhvilluar edhe një bashkëbisedim të ngrohtë me fëmijët, duke folur me ta për procesin mësimor, kushtet nëpër shkolla e të tjera.
Në fund, nxënësit e kanë nderuar kryetarin Gjini me një mirënjohje si dhe i kanë dhuruar një portret të tij, të punuar me përkushtim nga vet ata.