Kryetari i Komunës së Gjakovës Ardian Gjini bashkë me me zv. Shefen e Zyrës se UNICEF në Kosovë Larissa Bruun dhe përfaqësues të KFOR-it, ishin nikoqir të Qendrës së Handikosit në Gjakovë, të cilët për nder të 3 Dhjetorit, Ditës Ndërkombëtare të Personave me Aftësi të Kufizuara, lansuan projektin “Promovimi dhe mbrojtja e të drejtave të fëmijëve dhe të rinjëve me aftësi të kufizuara përmes forcimit të ofrimit të shërbimeve multidisiplinare” të mbështetur nga UNICEF dhe USAID.
Me këtë rast Kryetari Gjini mes tjerash tha se :”Jam tejet falenderues ndaj drejtuesve të Qendrës Handikos për mundin që e bëjnë me shumë përkushtim, në përkrahje të personave me nevoja të veçanta.” Ai ritheksoj edhe njëherë tjetër se përkrahja institucionale do të jetë e vazhdueshme dhe e pakursyer, gjatë qeverisjes së tij.
