Festën e Kurban Bajramit, Kryetari i Komunës, Ardian Gjini, Nënkryetari i Komunës, Flamur Fetahaj, drejtorë komunalë dhe zyrtarë komunalë e filluan me vizitë në Bashkësinë Islame në Gjakovë.
“Jam i lumtur që sot jemi këtu për të uruar këtë festë të bekuar, pas pandemisë. Nga këtu, ju uroj këtë ditë të madhe, të gjithë besimtarëve myslimanë, duke ju dëshiruar shëndet, paqe dhe begati në familje. Uroj që mes nesh të mbizotërojë gjithmonë toleranca, solidariteti dhe mirësia” u shpreh ndër të tjera Kryetari Gjini.
