Kryetari i Komunës së Gjakovës, Ardian Gjini, priti në takim një grup të rinjsh nga Fort Dodge, Iowa, të Shteteve të Bashkuara të Amerikës, të cilët po qëndrojnë në Gjakovë në kuadër të programit tradicional të shkëmbimit rinor.
Gjatë takimit u theksua rëndësia e programeve të tilla në forcimin e miqësisë, bashkëpunimit dhe shkëmbimit kulturor ndërmjet të rinjve të Gjakovës dhe atyre amerikanë. U vlerësua se përvojat e përbashkëta dhe njohja me kultura të ndryshme kontribuojnë në ndërtimin e lidhjeve të qëndrueshme dhe krijimin e mundësive të reja për bashkëpunim.
Komuna e Gjakovës mbështet iniciativa që fuqizojnë rolin e të rinjve dhe nxisin bashkëpunimin ndërkombëtar, duke e konsideruar rininë si urën më të rëndësishme të miqësisë ndërmjet popujve.
