Si rrjedhojë e fitimit të Grantit të Performancës për Mjedis të Pastër nga Ministria për Mjedis dhe Planfikim Hapësinor, Komuna e Gjakovës përfiton edhe një pajisje shtesë – kamion të cilën i’a dhuron Kompanisë Rajonale të Mbeturinave “Çabrati” .
Gjatë pranim – dorëzimit të kësaj pajisjeje, Nënkryetari i Komunës Flamur Fetahaj është shprehur i lumtur që Komuna e Gjakovës është përfituese e këtij granti i cili po vihet në funksion të përmirësimit të shërbimeve për pastrimin e qytetit nga ana e KRM “Çabrati” .
Në nëntor të vitit të kaluar, në kuadër të Grantit të Performancës të cilin kryetari Gjini ka vendosur t’ia dhurojë kësaj kompanie, janë vënë në funksion kamionë dhe mbledhës të rinj.
