Arnesa është një ndër njëqind nxënëset që mësimet i merr në shkollën fillore “Luigj Gurakuqi”. Gëzimi i lexohet në sy! Tani e tutje, ajo bashkë me shokët e shoqet kanë mundësi të ndjekin mësimet në objektin e ri të shkollës në Korenicë.
Objekti i ri është ndërtuar me standarte të larta dhe tashmë nxënësit do të kenë klasa dhe kabinete për të konkretizuar mësimet teorike.
“Jam i mbushur gëzim që sot shoh këta fëmijë të ngazëllyer. Ne duhet t’a duam këtë vend, duhet të punojmë që këtu të edukohen edhe fëmijët e fëmijëve tuaj”, tha në fjalën e tij kryetari i Komunës Ardian Gjini.
Ministria e Arsimit mundësoi mbështetjen e saj financiare që ky projekt të jetësohet, ndërkaq Komuna e Gjakovës është në finalizim të projekteve tjera infrastrukturore në këtë shkollë e që është fusha e sportit, rrethimi dhe rregullimi i oborrit.
E gëzofshi gjeneratë pas gjenerate!
