Përtej një marrëveshje të shkruar, ngacmimi seksual në vendin e punës është një temë që duhet të diskutohet dhe eliminohet brenda çdo institucioni dhe grupi shoqëror.
Kryetari i Komunës, Ardian Gjini ka nënshkruar memorandum bashkëpunimi me Qendrën Kosovare për Studime Gjinore e përfaqësuar nga Luljeta Demolli për avancimin e përpjekjeve të përbashkëta për mbrojtjen nga të gjitha format e diskriminimit për shërbyesit civil.
Nga kjo marrëveshje komuna obligohet që të organizojë fushata informuese rreth ngacmimit seksual në vendin e punës si dhe të shqyrtojë draft rregulloren për Parandalimin dhe Mbrojtjen nga Ngacmimi Seksual në Administratën Publike.
