Komuna e Gjakovës është bërë pjesë e një programi 5 vjeçar të USAID-it i cili ka për qëllim të ngris integritetin e komunave të Kosovës, duke synuar përmirësimin e menaxhimit të financave publike.
Në takimin e parë të organizuar në mes të zyrtarëve të këtij programi dhe zyrtarëve komunal, ka marrë pjesë edhe kryetari i komunës Ardian Gjini, i cili ka shprehur gatishmërinë e tij dhe të institucionit komunal për bashkëpunim me ekspertët e USAID-it. Sipas kryetarit Gjini, komuna e Gjakovës deri me tani e ka dëshmuar përkushtimin e vet për menaxhim tejet të mirë të financave publike dhe vullnetin për sa më shumë projekte në shërbim të qytetarëve të komunës së Gjakovës.
