Komuna e Gjakovës është përfituese e një shume prej rreth 70 mijë eurosh nga ministria e Administrimit të Pushtetit Lokal, mjete këto që do të përdoren për kubëzimin e disa rrugëve në fshatrat dhe lagjet e komunës së Gjakovës.
Në emër të komunës së Gjakovës, drejtori i drejtorisë për Shërbime Publike Shkumbin Kastrati e ka nënshkruar sot Memorandumin e Mirëkuptimit me ministrin e MAPL-së Elbert Krasniqi, sipas së cilës marrëveshje, komuna e Gjakovës obligohet të participojë me një shume prej rreth 30 mijë euro për realizimin e këtyre projekteve.
