Kryetari i komunës së Gjakovës Ardian Gjini, ka takuar kryetarët e Këshillave Lokalë, takim i cili kishte si qëllim fillimin e organizimit të fushatës “Gjakova qytet i pastër”, fushatë kjo e cila do të përcillet edhe me një garë në mes të lagjeve, fshatrave dhe shkollave të komunës së Gjakovës.
Kryetari Gjini dhe zyrtarët tjerë nga Sektori i Menaxhimit të Mbeturinave, kanë njoftuar se kjo fushatë – garë do të nisë me 20 mars dhe do të përmbyllet me 5 qershor.
Në fund të fushatës do të shpallen edhe lagjet, fshatrat dhe shkollat më të pastërta e të cilat do të shpërblehen me shuma të ndryshme, kryesisht në investime nga buxheti komunal.
Informacione më të detajuara për këtë fushatë në të cilën do të jenë aktivë të gjithë qytetarët e komunës sonë, do të bëhet të ditura ditëve në vazhdim, ndërsa e tërë kjo po bëhet që Gjakova të ketë një ambient më të pastër dhe tek qytetarët të ngritët vetëdija për ruajtje më të madhe të ambientit.
