Kryetari i Komunës, Ardian Gjini dhe Valentin Hoxha, përfaqësues i Fondacionit për Zhvillim të Qëndrueshëm Ekonomik – PREDA Plus Kosovë dhe WEntrepreneur kanë nënshkruar memorandum bashkëpunimi në kuadër të projektit “Stabilizimi i mëtejshëm i komuniteteve pakicë dhe shumicë në Kosovë përmes mbështetjes së shtuar socio-ekonomike”.
Synimi i këtij projekti është krijimi i kushteve për jetesë të qëndrueshme dhe kushte më të mira socio-ekonomike për familjet etnike pakicë dhe shumicë. Kjo do të arrihet përmes sigurimit të gjenerimit të të ardhurave, ndërtimit të kapaciteteve, punësimit dhe mundësive të zhvillimit të komunitetit.
Gjatë nënshkrimit të kësaj marrëveshjeje, Kryetari Gjini tha se është mirënjohës që Socio – Projekti 2 do të implementohet edhe në komunën tonë. Ndërkohë, u shpreh se ai dhe bashkëpunëtorët e tij do të ofrojnë gjithë mbështetjen e nevojshme që ky projekt të rezultojë i suksesshëm dhe të ndikojë drejtëpërdrejtë në mirëqenien e banorëve të komunës tonë.
