Komuna e Gjakovës do të vazhdojë të mbështesë Shoqatën Handikos Gjakova !
Gjatë takimit të sotëm me përfaqësues të kësaj shoqate, Kryetari i Komunës Ardian Gjini ka konfirmuar edhe një herë vazhdimin e mbështetjes të institucionit që ai drejton me të gjitha kapacitetet në dispozicion. Ai e ka falënderuar drejtoreshën e Handikos-it Brilanta Ballata dhe bashkëpunëtorët e saj për punën e vyer që bëjnë çdo ditë të vitit me anëtarët e kësaj shoqate.
Ndërkaq, përfaqësuesit e Shoqatës “Handikos” shprehën mirënjohjen e tyre ndaj Kryetarit të Komunës për gatishmërinë e tij për vazhdimin e bashkëpunimit i cili do të sjellë aktivitete dhe projekte të reja në të mirë të personave me aftësi të kufizuara.
