Kryetari i Komunës së Gjakovës Ardian Gjini, sot ka marrë pjesë në hapjen e aktivitetit “Marsi – Muaji i Hendbollit”, aktivitet ky i cili ka për qëllim promovimin e sportit në përgjithësi dhe hendbollit në veçanti.
Ky aktivitet që do karakterizohet me ndeshje të shumta hendbollistike në të dy kategoritë dhe në të gjitha grup moshat, është organizuar nga drejtoria për Kulturë, Rini dhe Sport dhe Drejtoria e Arsimit si dhe në bashkëpunim me Shoqatën e Pedagogëve të Kulturës Fizike dhe Sportit Shkollor.
Në hapje të këtij aktiviteti, Kryetari Gjini ka rikujtuar para sportistëve të rijnë, se komuna e Gjakovës dhe ai si kryetar, do ta kenë sportin si njërin prej prioriteteve kryesore, pasi vetëm zhvillimi i sportit garanton një rini të shëndoshë dhe larg dukurive negative.
