Kryetari i komunës së Gjakovës Ardian Gjini bashkë me Klubin Rotary Keystone dhe Soroptimist International Club Gjakova, sot ka nënshkruar një memorandum bashkëpunimi, përmes së cilit mosha e tretë, prindërit tanë do të kenë kujdesin që meritojnë!
Tashmë, Komuna e Gjakovës e ka të paraparë projektin e Qendrës Ditore për të Moshuarit. Ndërkohë, një marrëveshje si kjo e sotmja do të plotësojë edhe më shumë këtë investim, sepse ky memorandum parasheh aktivitete rekreative për të moshuarit, rrjedhimisht rritjen e cilësisë së jetës së tyre.
Faleminderit Klubi Rotary Keystone dhe Soroptimist International Club Gjakova. Me lindjen e këtij bashkëpunimi, përfitues jemi të gjithë ne!
