Komuna e Gjakovës e përkrahur nga OSBE, Misioni në Kosovë, ka organizuar një punëtori në të cilën u diskutua planifikimi i buxhetit komunal për vitin 2022, afatet e miratimit, rolin mbikëqyrës të legjislativit, rëndësinë e dëgjimeve publike me grupet specifike, raportimin financiar dhe barazinë gjinore.
Drejtori komunal për buxhet dhe financa, Durim Halilaj, prezantoj planet dhe prioritet të përfshira ne draft-buxhetin komunal. Nga ana tjetër, pjesëmarrësit nga organizatat e shoqërisë civile (që punojnë me gra, të rinj dhe komunitete jo shumicë), kërkuan më shumë bashkëpunim dhe kujdes në objektivat e përcaktuara, veçanërisht në projektet për rininë dhe edukimin jo-formal, krijimin e nën-kodit buxhetor për aktivitetet që ndërlidhen me aspektin gjinor të zyrës komunale për barazi gjinore dhe subvencionet për projektet e barazisë gjinore dhe përmirësimet në dokumentin për buxhetimin e përgjegjshëm gjinor.
