Nën udhëheqjen e kryesuesit Shefqet Shehu, sot u mbajt mbledhja e tretë e Komitetit për Politikë dhe Financa (KPF) për vitin 2026.
Gjatë kësaj mbledhjeje u shqyrtua dhe u diskutua procesverbali i mbledhjes së mëparshme, të mbajtur më 12 mars 2026.
Në vazhdim, Drejtori për Buxhet dhe Financa, Durim Halilaj, prezantoi Informatën Periodike Financiare për periudhën janar–mars 2026, duke paraqitur të dhëna dhe analiza mbi realizimin e buxhetit komunal gjatë tremujorit të parë të vitit.
Po ashtu, Drejtori i Emergjencave, Haxhi Sejdiu, paraqiti një informatë lidhur me përgatitjet për emergjenca në Komunën e Gjakovës, me fokus në masat parandaluese, kapacitetet operacionale dhe gatishmërinë institucionale për përballimin e situatave emergjente.
Pas diskutimeve, anëtarët e Komitetit votuan pikat e rendit të ditës për t’iu përcjellë për shqyrtim dhe vendimmarrje në mbledhjen e ardhshme të Kuvendit të Komunës së Gjakovës.
