Karvani i Diasporës ndaloi në Parkun e Qytetit të Gjakovës, i prirë nga zv.Kryeministrja njëherit Ministrja e Punëve të Jashtme dhe Diasporës , Donika Gërvalla, e cila bashkë me ekipin e saj u mirëprit nga Kryetari i Gjakovës Ardian Gjini me bashkëpunëtorë.
Ku aktivitet kulturor i cili ka për qëllim promovimin e platformës #ShijoKosovën është organizuar nga Ministria e Punëve të Jashtme dhe Diasporës në bashkëpunim me Ministrinë e Kulturës Rinisë dhe Sportit, Ministrinë e Arsimit, Shkencës dhe Teknologjisë dhe Komunën e Gjakovës.
Aktiviteti i dedikohet mergimtarëve duke ju dhënë mundësinë që në mënyrë verbale ti shprehin kërkesat dhe shqetësimet e tyre.
Ministria Gërvalla dhe Kryetari Gjini gjatë fjalimit të tyre ranë dakort se kontributi i profesionistëve nga diaspora është i rëndësishëm për zhvillimin e vendit tonë.
Pas bashkëbisedimit me bashkëatdhetarët, Karvani vizitoi edhe Parkun Kulturor “Ali Podrimja” ku të shoqëruar nga Kryetari Gjini, Drejtoresha e DKRS-së Adea Roka dhe shumë qytetarë të interesuar, shijuan filmin “Lady Bird” në kinemanë fantastike nën qiellin e hapur.
