Mbi 4 kilometra shtigje për ecje i janë shtuar sot parkut të Shkugëzit, e të cilat tashmë do të jenë në shërbim të qytetarëve të komunës së Gjakovës. Përveç këtyre shtigjeve, Shkugëza shumë shpejtë do t’i ketë edhe dy liqene artificiale, të cilat ende janë në fazë të akumulimit dhe së shpejti do të jetë një vlerë shtesë për parkun e Shkugëzit.
Inaugurimin e shtigjeve dhe liqeneve e ka bërë kryetari i komunës Ardian Gjini, i cili ka thënë se projekti për rregullimin e Shkugëzit është një projekt i gjallë që do të ketë investime të vazhdueshme, jo vetëm në shtigje, por edhe në ndriçim dhe elemente tjera përcjellëse.
Kryetari Gjini ka thënë se Shkugëza është një vlerë e madhe për Gjakovës, prandaj edhe është detyrë e të gjithë qytetarëve që ta ruajnë dhe ta mbrojnë nga shkatërrimi.
