Gjatë ditës së sotme nga Kryetari i Komunës, Ardian Gjini janë përuruar disa nga projektet infrastrukturore në komunën tonë.
“Emine Gjakova” ishte rruga e parë që u përurua, e cila ndonëse me gjatësi jo shumë të madhe është shumë e rëndësishme për banorët e kësaj lagjeje.
Më tutje u përurua asfaltimi i rrugës në fshatin Meqë me gjatësi 850m dhe kosto financiare rreth 106.000€.
Projekti infrastrukturor Rrypaj-Jahoc, është një projekt i nisur qysh para 10 vitesh dhe vetëm sot u bë finalizimi i tij, vlera totale e të cilit është 328,220.00€.
E në fund të tyre u përuruan edhe disa rrugica në fshatin Rracaj, të cilat krijojnë një lehtësi për banorët.
Kryetari Gjini, ka theksuar që gjatë gjithë vitit do të punohet shumë në realizimin e projekteve infrastrukturore, sidomos rrugët për të kaluar në vitet në vijim në projekte tjera.
