I’u dha lamtumira e fundit profesorit të shumë gjeneratave, Zeki Morina.
Në fjalën e tij, gjatë akademisë përkujtimore, Kryetari i Komunës Ardian Gjini, u shpreh se Profesorin Zeki Morina do ta kujtojmë gjithmonë si një intelektual që ka brumosur ndër breza jo vetëm dashurinë për gjuhën shqipe por edhe patriotizmin e atdhedashurinë, të cilat i ka pasur ndër armët më të fuqishme në vitet më të vështira për vendin tonë. “Familja Morina dhe e tërë Gjakova duhet ta kujtojnë gjithmonë veprën e profesorit Zeki Morina. Profesori Zeki u dallua edhe si një menaxher i mirë në pozitën e drejtorit të shkollës “Yll Morina” për disa vite me radhë. Edhe tash, disa vite pas pensionimit të tij, kolegët e pasardhësit e tij e kanë si shembull metodologjinë e punës, profesionalizmin e korrektësinë që profesori Zeki Morina e ka shfaqur gjatë tërë kohës” tha ndër të tjera ai.
