Me rastin e shënimit të 28 nëntorit, Festës së Flamurit kombëtar, kryetari i komunës së Gjakovës Ardian Gjini i shoqëruar nga nënkryetari Flamur Fetahaj dhe drejtorët e drejtorive komuna sot kanë bërë homazhe dhe kanë vendosur kurora me lule tek Memoriali “Shokët e Lirisë”
Me këtë rast kryetari Gjini ka rikujtuar se 28 Nëntori është njëra prej ditëve më të mëdha për kombin shqiptar, prandaj, komuna është përkujdesur që të paktën ta shënojë këtë ditë, për faktin se shënimin në mënyrën meritore ka qenë i pamundur për shkak të situatës së krijuar me pandeminë Covid – 19.
Kryetari Gjini ka uruar të gjithë qytetarët e komunës së Gjakovës për këtë festë, me shpresën që shqiptarët kudo që gjenden të kalojnë të gjitha sfidat dhe të presin edhe shumë festa tjera të 28 Nëntorit.
