Organizata Handikos Gjakova është përfituese e një projekte tejet të rëndësishëm dhe domethënës jo vetëm për zhvillimin e aktiviteteve por edhe për ngritjen e kapaciteteve të vet organizatës.
Me përkrahje të Care Deutscheland dhe të Zyrës së bashkimit Evropian në Kosovë kjo organizatë është pajisur me dy aparatura moderne për dizajnimin dhe prodhimin e 3D produkteve nga materiale të ndryshme.
Gjatë prezantimit të këtij projekti, është bërë e ditur se stafi dhe anëtarët e Handikos Gjakova tashmë kanë filluar me prodhimin e këtyre produkteve, fillimisht për përdorim vetanak të anëtareve e më tej edhe për shitjen e tyre dhe sigurimin kështu të një mundësie të mirë të vetëfinancimit.
Në prezantimin e këtij projekti kanë marrë pjesë edhe përfaqësues nga komuna e Gjakovës, konkretisht drejtori i drejtorisë për Punë të Përgjithshme Administrative Kosovar Alija dhe drejtoresha për Kulturë, Rini dhe Sport Adea Roka.
