Kryetari i komunës së Gjakovës Ardian Gjini sot ka nënshkruar Marrëveshje Bashkëpunimi me Rexhep Hotin, koordinatorin nacional për Kulturë, Rini dhe Sport në qeverinë e Kosovës, për implementimin e Programit Nacional për Rininë për të gjithë nxënësit dhe studentët e kësaj komune.
Programi Nacional për Rininë, i cili tashmë do të fillojë së zbatuari edhe në Gjakovë, është hartuar për secilin nxënës të secilës shkollës, duke filluar nga niveli fillor, i mesëm i ulët dhe niveli i mesëm i lartë. Ky program ka për qëllim avancimin e pozitës së të rinjve në sport, kreativitet kulturor dhe mendim kritik.
Programit Nacional për Rininë parasheh përfshirjen e të gjithë nxënësve dhe studentëve në garë dhe pritet që të gjithë nxënësit pjesëmarrës të përfitojnë nga ky program.
