Është finalizuar rruga “Tahir Zajmi”, ku i pranishëm në përurimin e këtij projekti ishte Kryetari i Komunës Ardian Gjini.
“Me një investim prej 310 mijë Euro nga buxheti komunal, kemi arritur që rrugën “Tahir Zajmi” ta kthejmë në një rrugë dhe një lagje model, jo vetëm për Gjakovën por edhe për qytete tjera. Falë edhe hapësirës së mjaftueshme kjo rrugë tashmë është e kompletuar me të gjitha elementet e nevojshme, përfshirë asfaltin cilësor, trotuarët, vendparkingjet, ndriqimin e pjesën e gjelbërt. Jam tejet i lumtur që arritëm ta realizojmë një projekt të tillë e i cili nuk do të jetë edhe i fundit i këtij lloji” është shprehur ai.
