Fillojnë punimet për finalizimin e terreneve të tenisit

Gjatë nisjes, i pranishëm ishte Kryetari i Komunës Ardian Gjini, i cili tha se kemi arritur në fazën kur do të përmbyllet ky projekt. “Është ky një investim prej 241 mijë euro i Komunës së Gjakovës, për një projekt që është dashur të jetë i thjeshtë për t’u realizuar, por ka dalë të jetë i komplikuar. Kjo, për shkak të gabimeve në paramasa dhe gabime të tjera teknike. Besoj që nga fundi i këtij viti dhe tutje, teniserët e Gjakovës të cilët janë të shumtë dhe shumë të suksesshëm, do të kenë terrenet e tyre për ushtrimin e aktivitetit të tyre sportive” u shpreh ndër të tjera ai.