Takimet me qytetarë, në kuadër të Dëgjimeve Buxhetore, për buxhetin komunal të vitit 2023, kanë vazhduar me dy aktivitete të veçanta e të cilat si emërues të përbashkët kishin marrjen e kërkesave konkrete dhe dhe inkorporimin e tyre në buxhetin e vitit të ardhshëm.
Me përkrahje të misionit të OSBE-së, fillimisht është mbajtur takimi me përfaqësues të shoqërisë civile, konkretisht organizatave të ndryshme rinore dhe të grave, atyre për persona me aftësi të kufizuara, organizatave për mbrojtjen e ambientit e të tjera.
Në këtë takim u diskutua për sfidat e tyre, por edhe për planet e idetë konkrete për projektet e planifikuara për vitin e ardhshëm.
Takimi i dytë i ditës u është kushtuar pjestarëve të komuniteteve jo shumicë, me ç’rast nga përfaqësuesit e tyre janë prezentuar nevojat dhe kërkesat që janë të domosdoshme për ta.
