Kjo drejtori është përgjegjëse për:

a) ofrimin e mundësive të barabarta për të ndjekur arsimin parashkollor, fillor dhe të mesëm në komunë,
b) zhvillimin e arsimit lokal dhe aftësimit profesional,
c) zhvillimin e të gjitha aspekteve tjera të arsimit lokal,
d) respektimin dhe nxitjet e të drejtave të komuniteteve dhe anëtarëve të tyre për arsimim,
e) nxitjen e bashkëpunimit midis mësuesve, prindërve, nxënësve dhe institucioneve arsimore, si dhe midis institucioneve arsimore dhe familjes,
f) regjistrimin e të dhënave personale për nxënës, sipas formularit të miratuar nga MASHT dhe në harmoni me Ligjin,
g) bashkëpunimin me MASHT-in në planifikimin dhe koordinimin e zhvillimit të arsimit parashkollor, fillor dhe të mesëm në Kosovë,
h) planifikimin e zhvillimit të arsimit parashkollor, fillor dhe të mesëm në Komunë, në konsultim me MASHT-in dhe komunat tjera,
i) bashkëpunimin me drejtoritë e komunave tjera, në projekte të përbashkëta arsimore, në përdorimin e përbashkët të burimeve fizike dhe njerëzore, si dhe caktimin e fondeve për projekte dhe qëllime të këtilla,
j) në marrëveshje me MASHT-in miraton rregullat për themelimin, shkrirjen, ndarjen dhe mbylljen e institucioneve arsimore me fonde publike, të niveleve 0, 1, 2, dhe 3 në Komunë,
k) rregullon se cilat shkolla i përkasin zonave specifike të mbulimit në Komunë,
l) mirëmbajtjen dhe riparimin e ndërtesave dhe pajisjeve të institucioneve arsimore me fonde publike, si dhe sigurimin e dispozitave për mirëmbajtje të shërbimeve mbështetëse për mirëqenien fizike të nxënësve, duke përfshirë ujë të freskët, ambiente banjash dhe shërbime shëndetësore,
m) marrjen e masave për të siguruar që ambienti rrethues urban apo rural , në të cilin është e vendosur shkolla, është në përputhje me të drejtën e nxënësve për të pasur një mjedis të sigurt në oborrin e shkollës,
n) nxitjen në bashkëpunim me MASHT-in, politikën shoqërore dhe objektivat e shëndetit publik nëpërmjet aktiviteteve shkollore dhe jashtëshkollore, duke përfshirë programe për sigurinë në rrugë, fusha, të nxisë shtimin e edukatës shëndetësore për të shmangur përhapjen e sëmundjeve ngjitëse si dhe organizon aksione për sensibilizimin e komunitetit kundër duhanit dhe formave të abuzimit me drogë,
o) miratimin e pushimeve lokale të shkollës, në përputhje me Ligjin përkatës, dhe miratimin e rregullave të shkollës,
p) përkujdesjen e pagesave të personelit mësimdhënës dhe teknik në institucionet arsimore të Komunës,
q) shqyrtimin e vazhdueshëm të masave të marra për realizimin e arsimit special. Në realizimin e kësaj detyre në atë masë që është e nevojshme ose e dëshirueshme, Drejtoria konsultohet me MASHT-in dhe drejtoritë tjera komunale, për bashkërenditjen e arsimimit të fëmijëve që kanë nevojë për arsim special,
r) vlerësimin e nevojave speciale, siç përcaktohen me Ligj,
s) hartimin dhe miratimin e Rregulloreve për sjelljen dhe disiplinën e nxënësve në çdo institucion arsimor, pasi të ketë marrë me parë propozimet e Këshillit të shkollës dhe komentet e drejtorit për këto Rregullore,
t) hartimin e propozimit për arsimim special për nxënës dhe ofrimin e vlerësimit profesional,
u) hartimin e propozimi