Kjo drejtori është përgjegjëse për:

a) hartimin e rregulloreve komunale për çështjet financiare,
b) përgatitjen e rregulloreve komunale për Komitetin për Politikë dhe Financa, nga fushëveprimi i financave,
c) udhëheqjen e çështjeve financiare të Komunës,
d) ndihmon Kryetarin dhe Komitetin për Politikë dhe Financa në përgatitjen e buxhetit vjetor të Komunës,
e) mbajtjen e të gjitha llogarive në Komunë, për një proces transparent buxhetor, me një shkallë të lartë të mbikëqyrjes së drejtorive,
f) përgatitjen e procedurave dhe raporteve të kontabilitetit, kryerjen e të gjitha pagesave pas miratimit nga drejtoria përkatëse dhe Kryetari, dhënien e komenteve mbi çështjet buxhetore para se të merret vendimi në Kuvend,
g) mbajtjen e të gjitha llogarive në Komunë, integrimin në sistemin Free Balance, për mbajtjen e llogarive në proceset komunale të menaxhimit financiar,
h) menaxhimin e fondeve komunale,
i) kryerjen e procedurave rreth transaksioneve të pronës komunale
j) dhënien e këshillave Komitetit për Politikë dhe Financa dhe komiteteve tjera, mbi të gjitha çështjet që kanë të bëjnë me buxhetin e komunës,
k) për mbajtjen e llogarive dhe raporteve vjetore financiare,
l) për menaxhimin e thesarit,
m) mbikëqyrjen dhe monitorimin e sistemeve dhe procedurave për ekzekutimin e buxhetit,
n) brenda kompetencave të veta, Komuna do të kërkojë krijimin e një kornize të përshtatshme për ekonomi të qëndrueshme lokale,
o) në kontest të planit për zhvillim ekonomik Komuna mund të caktojë prioritete për investime në Komunë, si dhe t’i koordinojë ato me MEF-in,
p) hartimin e politikës së zhvillimit ekonomik, propozimin e marrjes së masave për zhvillimin ekonomik të Komunës,
q) hartimin e planit global strategjik të zhvillimit ekonomik të Komunës, në aspektin afatshkurtër dhe në aspektin afatgjatë,
r) hartimin e programeve ideore, duke i specifikuar veprimtaritë ekonomike me qëllim të zhvillimit të sektorëve parësorë, kontaktet me institucionet vendore financiare, si me banka dhe me institucione financiare ndërkombëtare, për t’u pajisur me informacione të mjaftueshme e të sakta, lidhur me kushtet e kreditimit (financimit) të bizneseve të ndryshme,
s) dhënien e këshillave për afaristët e ndryshëm për mundësinë e investimeve, angazhimit të kapitalit të tyre në veprimtaritë prodhuese e fitimprurëse, por edhe perspektive,
t) organizimin dhe menaxhimin e panaireve tradicionale të mallrave të ndryshme,