Zyra Komunale për Komunitete dhe Kthim, në kuadër të zbatimit të Planit Lokal të Veprimit për Avancimin e të Drejtave të Komuniteteve Rom, Ashkali dhe Egjiptian 2024–2026, ka mbajtur një takim koordinues me përfaqësues të institucioneve lokale, si Drejtoria e Arsimit dhe Qendra për Punë Sociale, organizata të shoqërisë civile (lokale dhe ndërkombëtare), si dhe aktivistë nga fusha e arsimit.
Gjatë këtij takimi, është diskutuar për sfidat ekzistuese, praktikat e mira dhe hapat që duhet të ndërmerren për të siguruar një përfshirje sa më të gjerë dhe të barabartë në arsim.
Përveç diskutimeve, gjatë takimit është hartuar edhe një plan i aktiviteteve ndërgjegjësuese, të cilat do të organizohen për regjistrimin e fëmijëve në nivelin parashkollor dhe klasën e parë, dhe do të zbatohen gjatë afatitt të dytë të regjistrimit të caktuar nga Drejtoria Komunale e Arsimit (DKA).
