Në Gjakovë, u shënua 24 Qershori, Dita Nacionale e Komunitetit Egjiptian, me një tryezë diskutimi të organizuar nga Zyra Komunale për Komunitete dhe Kthim, ku morën pjesë Kryetari i Gjakovës Ardian Gjini, Deputeti i Kuvendit të Kosovës, Fridon Lala, Kryesuesi i Komitetit për Komunitete në Komunën e Gjakovës, Ergit Qeli dhe Udhëheqësi i ZKKK-së, Armend Behluli.
Gjatë këtij takimi Kryetari Gjini mes tjerash tha se po punohet me një orientim strategjik, drejtë përmirësimit të kushteve sociale për komunitetet pakicë.
Ndërsa Deputeti Lala tha se për 2o vite janë bërë ndryshime në aspektin e përmirësimit të mirëqenies sociale te komunitetit egjiptian, por se mbetet akoma shumë punë për tu bërë në këtë drejtim.
Gjatë takimit u ndanë mirënjohje për disa prej të pranishmeve, në shënjë falenderimi për kontributin që japin në fusha të ndryshme.
