Kanë vijuar takimet në kuadër të ciklit të dëgjimeve buxhetore për buxhetin komunal 2026. Drejtori për Buxhet dhe Financa, Durim Halilaj, drejtori për Zhvillim Ekonomik, Shkumbin Kastrati, drejtori për Infrastrukturë, Hysni Muhadri, dhe asambleisti Valon Pnishi kanë zhvilluar takime me banorët e rajonit të Hasit në Damjan dhe Rogovë.
Gjatë këtyre takimeve është diskutuar për projektet aktuale në realizim si dhe për ato që pritet të financohen nga buxheti komunal për vitin 2026, me synimin e zhvillimit të qëndrueshëm dhe përmirësimit të kushteve të jetesës për komunitetin lokal.
