Kryetari i Komunës, Ardian Gjini, Drejtoresha e DSHMS-së, Adelina Shehu-Kola, Drejtoresha për Arsim, Eranda Kumnova-Baci, si dhe zyrtarë të tjerë komunalë, morën pjesë në një tryezë diskutimi të organizuar nga Medica Kosova , në kuadër të projektit “Nga politika në praktikë në qeverisjen lokale të ndjeshme gjinore përmes monitorimit të udhëhequr nga komuniteti”.
Gjatë këtij takimi u prezantuan gjetjet, sfidat dhe rekomandimet konkrete lidhur me Planin Lokal të Veprimit për Barazi Gjinore 2024–2026 në Komunën e Gjakovës .
Në fjalën e tij, Kryetari Gjini përgëzoi organizatën “Medica Kosova” dhe të gjithë akterët relevantë për angazhimin e tyre të përditshëm në avancimin e objektivave të përbashkëta të këtij plani . Ai theksoi se, vitet e fundit, Kosova ka shënuar përparim të dukshëm në fushën e barazisë gjinore, duke nënvizuar rëndësinë e vazhdimit të bashkëpunimit dhe angazhimit të përbashkët në këtë drejtim.
