Shtrati i lumit Krena po përfundon në tërësi në kuadër të fazës finale të punimeve. Kryetari i Komunës së Gjakovës, Ardian Gjini, së bashku me Drejtorin e Shërbimeve Publike, Shkumbin Kastrati, dhe bashkëpunëtorë, vizituan nisjen e punimeve në segmentin e parë të kësaj faze pranë Urës së Taliqit.
Vlera e investimit arrin në 1,498,441.31 euro, ndërsa afati i realizimit është 12 muaj. Projekti përfshin rregullimin e shtratit të lumit dhe gjithë infrastrukturën përcjellëse, duke shndërruar zonën në një hapësirë moderne, funksionale dhe atraktive për qytetarët.
Ky investim është pjesë e transformimit të qytetit, duke sjellë zhvillim, gjelbërim dhe cilësi më të lartë të jetës për banorët e Gjakovës.
