Shkolla “Yll Morina” është pasuruar me kabinete të reja për biologji, kimi dhe informatikë, falë mbështetjes së donatorëve Davit dhe Kristi Skidmore nga The Church of Jesus Christ of Latter-day Saints.
Këto hapësira janë pajisur me mjete moderne, duke i dhënë mësimdhënies një dimension praktik dhe bashkëkohor.
Kryetari i Komunës, Ardian Gjini, gjatë vizitës shprehu mirënjohje për këtë kontribut, duke theksuar se investimi në dije është investimi më i qëndrueshëm për të ardhmen e qytetit. Ky projekt dëshmon fuqinë e bashkëpunimit mes komunës, shkollave dhe donatorëve, duke sjellë rezultate që ndikojnë drejtpërdrejt në cilësinë e arsimit.
