Është shënuar 50 vjetori themelimit të Shkollës së Lartë Pedagogjike “ Bajram Curri” si dhe 5 vjetori i themelimit të Universitetit të Gjakovës “ Fehmi Agani”.
Në një akademi të mbajtur me këtë rast, në emër të komunës së Gjakovës ka folur nënkryetari i komunës Ramadan Hoti, i cili mes tjerash tha se Gjakova është djep i dijes dhe shkencës dhe kjo po dëshmohet edhe në këtë përvjetor të Shkollës së Lartë Pedagogjike dhe të Universitetit të Gjakovës.
Në këtë aktivitet, menaxhmenti i Universitetit të Gjakovës ka ndarë mirënjohje për komunën e Gjakovës, për kontributin e vazhdueshëm në ngritjen dhe zhvillimin e arsimit shqip ndër vite.
Në festën e Universitetit të Gjakovën kanë marrë pjesë mysafirë të shumtë, në mesin e të cilëve edhe ministri i Arsimit i republikës së Kosovës Shyqeri Bytyqi dhe zyrtarë tjerë qeveritarë.
