Kanë rinisur sot punimet për asfaltimin e rrugëve në brendësi të fshatit Skivjan, një projekt ky që ishte ndërprerë në vitin 2013. Bëhet fjalë për një projekt në vlerë prej 800 mijë eurosh dhe që përfshinë një gjatësi të tërësishme të rrugëve mbi 6,5 kilometra.
“Është një projekt që ka nisur në vitin 2012 dhe në vitin 2013 është ndërprerë kurse tani po e vazhdojmë, janë diku 6540 metra rrugë. Është një projekt i madh. Sivjet do t’i heqim qytetarët nga balta dhe do të shtrojmë pjesën e parë të asfaltit dhe vitin tjetër shtresen e tërë“, tha kryetari Gjini.
Banorët u shprehën që janë shumë të kënaqur me realizimin e këtij projekti infrastrukturor i cili ishte ndërprerë në vitin 2013 dhe i cili deri më tani iu ka sjellë shumë probleme, sidomos fëmijëve gjatë stinës së dimrit.
