Kompania e telekomunikacionit IPKO, ka dhuruar një donacion për Qendrën Kryesore të Mjekësisë Familjare në Gjakovë në vlerë prej 10 mijë euro.
Donacioni i cili është dorëzuar sot përbëhet prej mjeteve të ndryshme, të nevojshme dhe mjaft të domosdoshme për sektorin e shëndetit primar në komunën e Gjakovës.
Dorëzimi i donacionit është bërë në një ceremoni të organizuar në ambientet e QKMF-së, ndërsa përveç përfaqësuesve të kompanisë IPKO, ka marrë pjesë edhe nënkryetari i komunës së Gjakovës Ramadan Hoti, drejtoresh e drejtorisë për Shëndetësi dhe Mirëqenie Sociale Adelina Shehu – Kola dhe zyrtarë e përfaqësues të QKMF-së.
Në fjalën e tij, nënkryetari Hoti e ka falënderuar kompaninë IPKO për donacionin, ndërsa ka theksuar se këto pajisje janë tejet të rëndësishme për shëndetin primar, për faktin se do të ndikojnë pozitivisht në shëndetin e banorëve të komunës sonë.
