Në kuadër të aktiviteteve të përditshme që drejtoria komunale për Kulturë, Rini dhe Sport po i organizon me rastin e kremtimit të 10 vjetorit të pavarësisë së Kosovës, sot është mbajtur ora letrare “Poetët për pavarësi”, me ç’rast poetë nga komuna e Gjakovës kanë deklamuar poezitë e tyre para të pranishmëve.
Në fjalen e saj të mbajtur me këtë rast, drejtoresha e DKRS-së Saranda Hyseni e ka rikonfirmuar dëshiren dhe vullnetin e komunës së Gjakovës për përkrahjen e poetëve, shkrimtarëve dhe artin e të shkruarit në përgjithësi.
