Pasditen e sotme u përurua rruga 805 metërshe në fshatin Novosellë e Epërme, punimet e së cilës filluan javë me parë. Të pranishëm në këtë përurim ishin kryetari i Komunës, Ardian Gjini, Ministri i Infrastrukturës Pal Lekaj si dhe banorët e fshatit.
„Shumë familje kanë pasur problem për qasje në këtë rrugë, gjë e cila u finalizua sot në të mirë të banorëve të këtushëm. Andaj urime për ta!“ kështu u shpreh kryetari Gjini.
Banorët u shprehën që janë shumë të lumtur me realizimin e këtij projekti infrastrukturor i cili deri më tani iu ka sjellë shumë probleme, sidomos fëmijëve gjatë stinës së dimrit.
