U pensionuan tre zyrtarë komunalë të Komunës së Gjakovës, të cilët me përkushtim dhe profesionalizëm dhanë një kontribut të çmuar dhe të dalluar ndër vite.
Lumnije Shllaku, Udhëheqëse e Zyrës për Barazi Gjinore, Hyrmete Juniku, zyrtare administrative, dhe Gani Rama, zyrtar kryesor financiar, u nderuan me mirënjohje dhe dhuratë simbolike nga Kryetari i Komunës, Ardian Gjini, i cili i falënderoi në emër të gjithë personelit për punën e palodhur, shembullin profesional dhe përkushtimin e treguar gjatë gjithë viteve të shërbimit.
Kontributi i tyre mbetet pjesë e rëndësishme e historisë institucionale të Komunës së Gjakovës.
Komuna e Gjakovës u uron pensionim të mbarë, shëndet të plotë dhe një kapitull të ri jete plot harmoni.
