Misioni i OSBE-së në Kosovë ka organizuar sot trajnim për zyrtarët komunalë me temën “pjesëmarrja e publikut përmes platformës digjitale”.
Qëllimi i trajnimit, i cili mblodhi 24 përfaqësues të drejtorive dhe sektorëve komunal, ishte pajisja me njohuritë e nevojshme për përdorimin e platformës digjitale, aftësive themelore të komunikimit dhe përmirësimi i performancës në përputhje me parimet e qeverisjes së mirë.
Trajnimi gjithashtu ndihmoi pjesëmarrësit të përmirësojnë marrëdhëniet profesionale, të përmirësojnë komunikimin e brendshëm në trajtimin e kërkesave të banorëve që çojnë në një komunë më transparente dhe më të përgjegjshme.
